mr.wolf2012 عضو متميز بتفوق لا نهائي
الجنس : تاريخ التسجيل : 16/03/2010 عدد المساهمات : 312 الدولة : alain
| موضوع: تفاحه وليمونه السبت 20 مارس 2010, 2:35 pm | |
| تفاحه و ليمونه
تفاحة مرت على طبجتها ليمونه ويالسه تشكيلها من تصرفات ريلها بو عنتر وانه يعرف بنات ويبقي يتزوج عليها تفاحه : خبريني شو اسوي يا ليمونه ؟ ليمونه : بسيطه ألحين بوديج عند بو الشر وبيحل مشكلتج ظهروا من البيت وركبوا تكسي وساروا بيت بو الشر . ليمونه : كم حسابك يا خان خان : ماماه أنا ما يريد فلوس ليمونه : ليش يا خان هذا حقك ؟ خان : ماماه أنا في خوف من هذا نفر ممكن يسوي أنا خمار وتكسي مال أنا عربانه يالله روخ مافي مشكل بو الشر : تفضلوا الزريبه زريبتكم ليمونه : أنا يايبه رفيجتي وعندها مشكله مع زوجها يبغي يتزوج عليها ونبغيك تشوف إلنا حل بو الشر : هذي بسيطه شو اسمج وشو اسم امج ؟ تفاحه : اسمي تفاحه بنت طماطه ليمونه : دكان خضره مب اسامي بو الشر : شو اسم ريلج واسم امه ؟ تفاحه : اسمه بو عنتر واسم امه زبيده ليمونه : هذي مب عايله قبيلة بني عبس بو الشر : عندج كمبيوتر علشان اطرشلج العمل على الايميل تفاحه : لا ما عندي ليمونه : تفاحه يايبه جفير علشان تشل فيه بو الشر : مب مشكله ابغي منج بعض الطلبات وهاتيلي اياهم المره اليايه تفاحه : أنا يايبه شعره من لحيته وتفاله من حلجه وفانيله جديمه فيها ريحته ليمونه : حشا هذي مب فانيله لو تفرينها على جلب جان مات بو الشر : أنا أبقي شغلات ثانيه تفاحه : زين قول شو تبغي ؟ بو الشر : تيس حمر وأمرد ليمونه : شو بدخله دوره عسكريه ! بو الشر : صخله وعشار ليمونه : كملها بخيشة سبوس وربطة جت ! بو الشر : يونية عيش ثمانين كيلو بو سناره درجه أولى ليمونه : تفاحه لا تستغربين علشان بيعزم الجنانوه ربعه بو الشر : صيرم سمج خن وبياح ليمونه : شو بتسويه جسيف للشتا ! بو الشر : بيب دبس ليمونه : زين حق القيمات علشان يحلون عقب العشا ! بو الشر زقر ولده شر وقاله : قول لمك شي قاصر في المطبخ سار شر عند امه ورجع ويلس يساسر ابوه وقاله بو الشر : بس هذا ما تبغي شي غير شر : لا بو الشر : عباه مخصره ماركه فرنسيه وفيها نجوم وفتحه ليمونه : ما تبالك بشت انته بعد ! بو الشر : جوتي بو كعب مقاس شبر ليمونه : هذا حق الزعيمه مالهم تبغي تكشخ عندها دق طيران ليلة الجمعه ! بو الشر : ستيريو ماركه سوني ياباني مب ماليزي تقليد ليمونه : ما تبغي شريط هبان وياه ! بو الشر : علبه مكياج من باريس غاليري ليمونه : اكيد يا تفاحه ان المعازيم كلهن حريم ! بو الشر : سيروا ولا تون المره اليايه إلا وكل الطلبات وياكم تفاحه و ليمونه : حاضرين يا بو الشر
| |
|
ԀмαяαłqŁѻβ عضو مساهم
الجنس : تاريخ التسجيل : 19/03/2010 عدد المساهمات : 146 العمر : 30
| موضوع: رد: تفاحه وليمونه السبت 20 مارس 2010, 2:37 pm | |
| ككككككككككؤؤؤؤؤؤؤؤؤؤؤؤؤؤؤؤؤؤؤؤؤككككككككككك | |
|
ԀмαяαłqŁѻβ عضو مساهم
الجنس : تاريخ التسجيل : 19/03/2010 عدد المساهمات : 146 العمر : 30
| موضوع: رد: تفاحه وليمونه السبت 20 مارس 2010, 2:37 pm | |
| | |
|
mr.wolf2012 عضو متميز بتفوق لا نهائي
الجنس : تاريخ التسجيل : 16/03/2010 عدد المساهمات : 312 الدولة : alain
| موضوع: رد: تفاحه وليمونه السبت 20 مارس 2010, 2:38 pm | |
| | |
|
ԀмαяαłqŁѻβ عضو مساهم
الجنس : تاريخ التسجيل : 19/03/2010 عدد المساهمات : 146 العمر : 30
| موضوع: رد: تفاحه وليمونه السبت 20 مارس 2010, 2:39 pm | |
| | |
|